Bernanke bestemte torsdag at sentralbanken skal kjøpe bustadlånsbaserte obligasjonar for 40 milliardar dollar i månaden. Tiltaket er meint å skulle auke veksten i den amerikanske økonomien, som slit med å kome seg ordentleg ut av nedgangstidene.

Oljemarknaden reagerte umiddelbart med oppgang, og prisen på amerikansk lettolje med levering i oktober steig til 98,31 dollar fatet, ein auke på 1,30 dollar.

Nordsjøolje av Brent-kvalitet med levering same månad blei omsett for 116,90 dollar fatet, ein oppgang på 0,94 dollar.

Det er det høgste prisnivået sidan 2. mai.

Ekspertane peiker også på uroa i Midtausten som ei årsak til prishoppet. (©NPK)