7,7 millionar utanlandske turistar reiste til Spania i juli. Det er ein auke på 328.000, eller 4,4 prosent, samanlikna med året før, ifølgje styresmaktene i landet.

Den spanske økonomien er i resesjon, og landet slit med ei arbeidsløyse på nærmare 25 prosent. Turistinntektene står for rundt 10 prosent av bruttonasjonalprodukt (BNP).

Særleg var det tyskarane som i år drog til Spania i aukande grad. Men straumen av ferierande frå Frankrike, USA, Portugal og nordiske land har også auka. (©NPK)