Timosjenko, som vart idømt straffa i fjor, meiner dommen er politisk motivert.

- Dommen er grunnlaus, sa ein av Timosjenkos advokatar då saka vart behandla i ein ankedomstol i Kiev torsdag.

Påtalemakta held derimot fast på at det er tilstrekkeleg bevist at Timosjenko misbrukte makta si som statsminister i samband med at Ukraina og Russland inngjekk ein gasskontrakt i 2009. Ankekravet bør derfor avvisast, meiner aktoratet.

Timosjenko var ein av dei leiande figurane i den såkalla Oransje-revolusjonen i Ukraina i 2004. I 2010 tapte ho presidentvalet mot pro-russiske Viktor Janukovitsj.

Rettssaka og dommen mot henne har blitt sterkt kritisert av EU og andre land i Vesten. (©NPK)