Wade Michael Page skaut og drap seks personar i sikhtempelet i delstaten Wisconsin før politiet skaut han i magen. Men ifølgje FBI døydde ikkje Page av dette skotet.
- Etter at han blei skoten og såra av politiet, viser det seg at han døydde av eit sjølvpåført skot mot hovudet, opplyser spesialagent Teresa Carlson.
Fire personar blei såra i skytemassakren.
Onsdag blei ein tidlegare kjærast av Page arrestert av politiet i byen South Milwaukee. Ho blei arrestert for ulovleg våpeninnehaving, men pågripinga har ikkje samband med massakren, understrekar Carlson.
President Barack Obama ringde onsdag Indias statsminister Manmohan Singh for å kondolere. Eit overvegande fleirtal av sikhane i verda bur i India, og statsminister Singh er sjølv sikh. (©NPK)
