ARRAY(0x3327298)

Ålesund-kvinna Kirsti Slinning vart funnen død etter ein slåstkamp på Hotell Alexandra i Molde natt til 12. oktober i fjor. Då dei tilsette kom inn på rommet, fann dei den 58 år gamle mannen sitjande over Slinning ute på balkongen medan han heldt kvelartak på henne. Kvinna fekk førstehjelp, men døydde av kveling.

22. juni i år vart mannen, som er frå Nordmøre, dømt til 12 års fengsel i Romsdal tingrett. Dommen er to år mildare enn påstanden frå aktor om fengsel i 14 år.

Mannen har halde fast ved at han ikkje hugsar noko av det som skjedde drapsnatta. Han har også forklart at han drakk alkohol tidlegare på kvelden, men blodprøver som vart tatt av han same natt som drapet fann stad, viste at han ikkje var overstadig rusa.

Både den tiltalte og offeret var tillitsvalde i Fagforbundet og var i Molde i samband med ein konferanse. Dei hadde hatt eit forhold sidan våren 2011. (©NPK)