VIF starta treninga si på Valle 10.30 onsdag. Omtrent samtidig forsvann utviklingssjef Andrea Loberto i møte med sportsleg utval. Der skal Martin Andresen leggje fram tiltaksplanen sin for Vålerenga.

Toppspelarutviklarane Sokolowski og Bergdølmo fekk ansvaret for treninga samtidig som framtida til Andresen i Oslo-laget blir avgjort.

Vålerenga har skuffa i serien denne sesongen. Nyleg blei det også cupfiasko mot Sandefjord. Andresen er inne i den femte sesongen i klubben, men trass i rause budsjett har det tidvis butta sportsleg.

- Møtet i dag har vore planlagt lenge. Vårsesongen skal evaluerast. Derfor leier verken Martin eller Andrea treninga, sa mediesjef i VIF Lasse Vangstein til NTB. (©NPK)