President Barack Obama har no eit forsprang på 13 prosentpoeng på den republikanske utfordraren sin Mitt Romney, viser ei måling anerkjente Selzer & Co. har gjort for Bloomberg News.
53 prosent av dei som seier at dei truleg vil stemme under valet i november, seier at dei vil stemme på Obama. 40 prosent seier at dei vil stemme på Romney.
Forspranget til Obama er dermed mykje større enn det fleire andre målingar har vist den siste tida.
RealClearPolitics.com har samanstilt målingane og funne at dei i gjennomsnitt har gitt Obama ei oppslutning på 46,6 prosent, mot 44,4 for Romney. (©NPK)
