Dermed tok børsen seg inn igjen etter fallet på 0,37 prosent måndag. På den første handelsdagen i veka blei letta over valresultatet i Hellas snudd til ny uvisse på børsane. Meldinga om rekordhøgt rentenivå på spanske statsobligasjonar på over 7 prosent bidrog til å skremma mange investorar. Tysdag var derimot stemninga snudd igjen.

Ingen av dei mest omsette aksjane i Oslo hadde nedgang tysdag. Mellom anna var det auke for Statoil Fuel & Retail (+0,49), Statoil, (+1,44), DNB (+1,98), Seadrill (+1,00) og Yara International (+3,04).

Ved dei tonegjevande børsane i Europa var oppgangen på nivå med i Oslo. I Paris steig CAC 40-indeksen 1,69 prosent, mens FTSE 100-indeksen i London og DAX-indeksen i Frankfurt gjekk opp høvesvis 1,73 og 1,84 prosent.

Oljeprisane var tysdag ettermiddag på veg oppover. Nordsjøolje blei omsett for 96,04 dollar fatet, medan eit fat amerikansk lettolje gjekk for 84,28 dollar. (©NPK)