Den russiske presidenten Vladimir Putin var fredag i Tyskland, der han hadde møte med statsminister Angela Merkel.

Putin karakteriserte situasjonen i Syria som «ekstremt farleg» og sa at landet var på randa av borgarkrig.

- I dag ser vi ei utvikling som har i seg element av borgarkrig, sa han.

Den russiske presidenten insisterte på at Russland ikkje leverte våpen til bruk i konfliktar som den i Syria. Samstundes åtvara han mot bruk av militære styrkar for å få ende på blodbadet.

- Du oppnår ingenting ved å bruke makt, sa han på ein pressekonferanse. (©NPK)