Tollarane i Trysil stoppa natt til torsdag ein norskregistrert varebil på fylkesveg 570 ved Linnes i Trysil.
Både føraren og passasjeren prøvde å stikke av, men blei fort gripne av tollarane. I bilen fann tollarane 3.012 liter øl, 290 liter brennevin og 43.000 sigarettar.
Tollbeslaget har ein verdi på 390.000 kroner i unndregne avgifter. Det viste seg også at skilta på bilen var stolne, og at bilen var registrert i Luxembourg. 22-åringen som køyrde bilen er polsk statsborgar og blei levert til Hedmark politidistrikt. (©NPK)
