Senussi sit i sentralfengselet i Mauritanias hovudstad Nouakchott. Han blir for tida avhøyrd og vil bli føra for ein domstol med det første, sa ein ikkje namngjeven talsmann for det mauritanske rettsvesenet måndag.

Abdullah al-Senussi skal ha vore ein lydig reiskap for Gaddafi, som blei styrta frå makta og drepen i oktober i fjor. Senussi har vore ettersøkt både i Libya og av Den internasjonale straffedomstolen ICC i Haag. (©NPK)