- Forslaget til regjeringa til jordbruksoppgjer er ikkje hogd i stein. Vi bør ha høve til å sjå på det og gjera endringar når forslaget først blir lagt fram for Stortinget, seier landbrukspolitisk talsmann i Høgre, Svein Flåtten, til NTB.

Rasande bønder aksjonerer over heile landet etter at dei to bondeorganisasjonane laurdag braut forhandlingane med staten. Tilbodet frå staten var 13.000 kroner meir per årsverk. Bøndene kravde 50.000.

- Det er eit svært høgt krav som heilt sikkert ikkje vil bli innfridd. Høgre tek utgangspunkt i tilbodet frå staten, som er på linje med andre tilbod i jordbruksoppgjeret dei siste åra, seier Flåtten. (©NPK)