McClean spelte for dei aldersbestemte landslaga til Nord-Irland, der han er fødd, men så tok han den omstridde avgjerda om å krysse grensa og spele landslagsfotball for Irland.

23-åringen kom måndag med i EM-troppen til Giovanni Trapattoni sjølv om han berre har eitt innhopp for landslaget.

McClean tvitra måndag om uttaket: «Absolutt stolt og kunne ikkje vore lukkelegare over å bli kalla inn til å representere landet mitt i EM. Inga betre kjensle», skreiv han.

Meldinga vart følgt av enkelte støtteerklæringar, men også med sekterisk hets og dødstruslar.

McClean svarte først ved å tvitre ein spøk om at tilhengjarane til Nord-Irland heller burde følgje sitt eige lag i EM - «å, vent, pinleg. haha».

Tysdag vart likevel twitterkontoen til McClean stengt. (©NPK)