I alt skal 98 vitne forklare seg under den ti veker lange rettssaka som skal starte 16. april, går det fram av bevisoppgåva til aktoratet som vart oversendt Oslo tingrett fredag ettermiddag.

Av dei 46 vitna som skal forklare seg i samband med rettsbehandlinga av massakren på Utøya, er 33 skadde som er namngitt i tiltalen og 13 andre. I samband med eksplosjonen i regjeringskvartalet skal 15 personar vitne. Dette er ni av dei skadde som er namngitt i tiltalen og ytterlegare seks personar.

Som tidlegare omtalt reknar statsadvokaten med at forklaringa til Anders Behring Breivik kjem til å ta fem dagar. (©NPK)