Ein talsmann for gruppa Forsane Alizza, eller «Stolthetens riddere», avviser skuldingane og meiner at uttalene frå ministeren berre er eit påskot for å forby gruppa.

Talsmannen held fram at islamistgruppa ikkje på nokon måte er innblanda i vald, og han skuldar i staden Gueant for ærekrenkingar.

På nettsidene til islamistgruppa blir tilhengjarar oppmoda om å delta på rekrutteringsmøte i åtte franske byar onsdag denne veka. På møta skal det rekrutterast personar med ulik kunnskap, og særleg soldatar, heiter det i meldinga.

Nettsida er på både fransk og arabisk. Der blir det tatt det til orde for heilag krig og eit muslimsk kalifat, samstundes som det demokratiske systemet blir avvist.

- Det er uaktuelt å støtte nokon som helst som stiller i eit val. Vi støttar brørne våre, dei heilage krigarar, kor enn dei er i verda, heiter det vidare. (©NPK)