Alt klart for norsk dag i Slovakia

(NPK-NTB): Herbjørg Kråkevik underheld, Bjørnstjerne Bjørnson blir hylla, og på menyen står det klippfisk og fenalår. Kongeparet er framleis på statsbesøk i Slovakia og skal mellom anna besøkje fleire norskfinansierte prosjekt onsdag.

Først ut er dronning Sonja, som skal besøkje Gaudeamussenteret, eit senter for funksjonshemma barn. Der finst det mellom anna eit hydroterapisenter med to svømmebasseng for barna. Rundt 85 prosent er finansiert med EØS-midlar, det meste frå Noreg. Kongen opnar samtidig eit norsk næringslivsseminar i Bratislava.

På ettermiddagen skal kongeparet vere med på opninga av ei utstilling til ære for Bjørnstjerne Bjørnson, hundre år etter hans død. Der skal Herbjørg Kråkevik opptre.

Kvelden er via det norske returarrangementet, der gjestene blant anna får nyte norsk mat og underhaldning. (©NPK)

Publisert dato:: onsdag 27. oktober 2010, klokka 11.15.04
Sist endra:: onsdag 27. oktober 2010, klokka 11.15.04
Artikkelforfattar:: npk@npk.no
Synspunkt på artikkelen?: red@mre.no

Tips ein ven

Sende til fleire mottakarar? Separer adressene med komma.

Mre.no

Alt klart for norsk dag i Slovakia

Tips ein ven

Siste innland/utland