USA fell i konkurransedyktigheit

(NPK-NTB): Medan Sveits framleis er det mest konkurransedyktige landet i verda, fell USA i år to plassar til fjerdeplass på lista til Verdens økonomiske forum (WEF).

Både Sverige og Singapore går forbi USA og ligg på høvesvis andre og tredje plass på lista. For berre to år sidan var USA først.

Noreg kjem først på 14. plass, eit stykke bak dei andre nordiske landa, som Finland på sjuande og Danmark på niande plass. Sverige hoppar ikkje berre forbi USA, men også Singapore.

Island har forsvunne ut i tåka etter den dramatiske økonomiske kollapsen. Landet ligg no på 31. plass etter å ha falle fem plassar i år og seks plassar året før. Når det gjeld makroøkonomi, ligg Island nest sist blant dei 139 landa på rankinga, berre framfor Zimbabwe. (©NPK)

Publisert dato:: torsdag 9. september 2010, klokka 12.30.05
Sist endra:: torsdag 9. september 2010, klokka 12.30.05
Artikkelforfattar:: npk@npk.no
Synspunkt på artikkelen?: red@mre.no

Tips ein ven

Sende til fleire mottakarar? Separer adressene med komma.

Mre.no

USA fell i konkurransedyktigheit

Tips ein ven

Siste innland/utland