Ei undersøking InFact har gjort for NRK viser at tre av ti nordmenn ikkje vil betale ei krone meir i nettleige for å unngå naturinngrep i samband med kraftutbygging.

Betalingsviljen er størst på Vestlandet, men også her er 22,6 prosent uvillige til å betale for å unngå naturinngrep. På landsbasis er det berre 14 prosent som vil ta kostnaden med sjøkablar.

Interessa for andre løysingar enn luftspenn i samband med kraftutbygging har skote i været i kjølvatnet av Hardanger-saka. Ifølgje Statnett kjem det dagleg krav om utgreiing av sjø- eller landkablar i andre delar av landet. (©NPK)