Noregs Bank bestemmer sjølv kva slags myntar og setlar me skal ha. Tidlegare har Noregs Bank fjerna både eittøringen, toøringen, femøringen, tiøringen og 25-øringen, og no står altså 50-øringen for tur, skriv Dagsavisen.

- Noregs Bank sin vurdering er at 50-øringen ikkje lenger sirkulerer som ein ordinær betalingsmynt. Den blir brukt av butikkar for å gi igjen veksel, medan kundane i stor grad legg mynten til side i staden for å bruke den ved seinare betalingar, heiter det i brevet.

Ved betaling med kontantar må summane me skal betale i kioskar, butikkar og andre stader rundast av til næraste krone og ikkje til næraste 50-øring, som i dag. Noregs Bank trur likevel ikkje dette vil føre til auka prisstiging.

- Det er berre sluttsummen ved kontante betalingar som skal avrundast, og ikkje prisen på den enkelte vare. Elektroniske betalingar blir ikkje påverka av ein myntinndraging, heiter det i eit brev om lagnaden til 50-øringen, som no er sendt alt frå næringsdrivande til mynthandlarane.

Svenskane pensjonerer sin 50-øring om nokre veker. Mynten tek slutt å vere lovfesta betalingsmiddel 30. september i år. Danmark skal framleis ha sin 50-øring, men 25-øringen vart avskaffa i 2008. (©NPK)