Det er den finske avisa Helsingin Sanomat som torsdag skriv at Norske Skog planlegg eit kjempeselskap for avisproduksjon saman med finsk-svenske Stora Enso og svenske Holmen.
På grunn av den store kursendringa innførte Oslo Børs ved 9:45-tida børspause for Norske Skog. Tilsvarande skjedde med Stora Enso-og Holmen-aksjane på børsane i Helsingfors og Stockholm.
Då hadde Stora Enso sin aksjekurs stege med rundt fem prosent, medan Holmen-aksjen var gått opp 8,7 prosent. Her heime hadde Norske Skog-aksjen hatt ein oppgang på nær 20 prosent før børspausen kom.
Stora Enso vil kome med ei pressemelding seinare torsdag, ifølgje den finske børsen. (©NPK)
