Fylkesutvalet i Vest-Agder ønskjer å innføre snus- og røykfrie skular i fylket. Det betyr at snus og tobakk ikkje berre er ulovleg på området til skulen, men også utanfor området til skulen i skuletida.

LO-leiar Roar Flåthen er skeptisk og meiner at eit totalforbod blir vanskeleg å handheve, skriv Fædrelandsvennen.

- Røykjelova har teke oss eit langt steg i riktig retning. Me må ikkje gløyme at det har vore ein revolusjon i positiv forstand når det gjeld røyking på jobb. Å innføre eit totalforbod trur eg kan bli vanskeleg på enkelte arbeidsplassar, seier Flåthen.

Forbodet skal om det blir vedteke, gjelde alle tilsette og lærarar ved dei vidaregåande skulane i Vest-Agder innan 2013. (©NPK)