Jenter på skular både på vestkanten i Oslo og Akershus har dei siste dagane fortalt om ein mørkhuda og skalla mann som har antasta dei.

- Me har sjølvsagt innleia samarbeid med Asker og Bærum politidistrikt. Me vil også ta kontakt med andre politidistrikt i nærleiken for å høyre om dei har liknande saker, seier politiinspektør Hanne Kristin Rohde ved volds- og sedelighetsseksjonen i Oslo politidistrikt til NTB.

Rohde vil ikkje konkludere med at det er same mann som har vore involvert i alle sakene.

- Men me har registrert at fleire barn har vorte antasta av ein person som tykkjer å vere den same. Saka har høg prioritet, seier Rohde.

Politiinspektøren vil ikkje skremme barn unødvendig, men meiner vaksne bør vere litt ekstra på vakt. (©NPK)