Oppmodinga om meir statleg støtte går rett inn i den politiske debatten i Washington, der republikanarane meiner det er viktigare å redusere det enorme budsjettunderskotet enn å auke det enda meir med nye offentlege utgifter.
IMF sa fredag at den økonomiske betringa etter krisa har vore svært treig i ein historisk kontekst, og framtida er usikker.
« Meir bestemt innsats trengst for å oppnå vekst på mellomlang sikt og avgrense faren for å påverke det internasjonale klimaet negativt», heiter det i rapporten frå IMF.
Obama har vore i konflikt med republikanarane på grunn av synet hans på at staten må trø til for å hjelpe den kriseråka økonomien.
Seinare fredag skulle han reise til Detroit for å forsvare støttepakken på 64 milliardar dollar som heldt bilindustrien i live, og ifølgje han, berga ein million jobbar. (©NPK)
