Oppdrettarane vart tekne av Fiskeridirektoratet for å ha hatt for mykje laks og aure i merdane. Det verste tilfellet gjaldt Polarlaks 2 i Nordland, som hadde dobbelt så mykje laks i anlegget sitt som konsesjonen tillét. Gebyret til denne bedrifta åleine var på i overkant av 9 millionar kroner.
Ekspedisjonssjef Magnor Nerheim i Fiskeridepartementet opplyser til NTB at årsaka til at gebyra no blir strokne, er at sivilombodsmannen har uttrykt «begrunnet tvil» om det er tilstrekkeleg heimel i dagens lovverk til å krevja inn gebyra.
- Overskridingane av biomasseregelverket er alvorleg, fordi det både verkar konkurransevridande og gir oppdrettar ein urettkomen gevinst og kan vera skadeleg for miljøet, seier fiskeri- og kystminister Lisbeth Berg-Hansen (Ap).
Direktoratet har fått beskjed om å behandle dei ni sakene på nytt og samtidig setja i gang arbeidet med utkastet til ei ny forskrift. (©NPK)
