Flaumvarselet kjem som følgje av varsel om store nedbørsmengder i ytre og lågareliggjande område i dei to fylka natt til torsdag og fredag. Ifølgje Noregs vassdrags- og energidirektorat (NVE) kan dette, saman med snøsmelting, gi raskt aukande vassføring i bekker og mindre vassdrag.

Direktoratet åtvarar mot fare for lokale vasskadar som følgje av isgang i elvar og bekker, tele i bakken og is og snø som delvis tettar røyr, sluk og andre avløpsvegar.

NVE peikar i tillegg på at snøsmelting kombinert med store nedbørsmengder også gir auka fare for skred. (©NPK)