Sauebønder frå Hedmark hadde tysdag møte med Solheim for å diskutere framtida til ulven.
- Vi kan ikkje ha Galven-tispa gåande inne i Stange og Løten i beitesesongen. Så vi gjer no eit siste forsøk på å flytte henne. Dersom det ikkje lykkast, så vil det bli gitt tillating til felling av denne ulven, seier Solheim til nationen.no.
Galven-tispa blei i fjor sommar skulda for å ha teke livet av ei større mengde sauer. Solheim gir Statens naturoppsyn (SNO) frist innan søndag.
- Går det mot felling, ser vi for oss eit samarbeid mellom SNO og lokale jegerar, men det kjem vi eventuelt tilbake til, seier Solheim. (©NPK)
