Rosenborg er mest attraktiv. Rundt 80 millionar kroner sopar trønderane inn. I andre enden finn ein nyopprykte Kongsvinger, som hankar inn rundt 6 millionar kroner i sitt toppseriecomeback.
Finanskrisa frå i fjor verkar gløymt. Dei fleste klubbane kan vise til ein auke på sponsorsida.
- Eg opplever det som om marknaden no er i ferd med å snu, etter at det gjekk riktig galt for mange klubbar i 2009. Interessa er på veg tilbake, og det er viktig for heile bransjen, seier marknadssjef i Brann Kristian Jæger til TV 2. (©NPK)
