- Denne prisen betyr mykje, ikkje berre for meg, men for alle kvinner frå Midtausten. Dette er eit bevis på at mitt arbeid blir sett pris på, seier Al-chirout til Utrop.

Den norsk-syriske kvinna klarte ikkje å halde tårene tilbake då ho fredag fekk beskjeden om kåringa som blir gjort i samband med kvinnedagen 8. mars.

Kriteria for innvandrarkvinnene fastslår at vinnaren skal vere ei kvinne med etnisk minoritetsbakgrunn som har gjort noko spesielt i 2009 for å vesentleg betre situasjonen til innvandrarkvinnene, eller det kan vere ei minoritetskvinne som har fått til suksess i karrieren, samfunnsdebatten eller på andre måtar har utmerkt seg som ein positiv rollemodell.

Al-chirout har mellom anna fått likestillingsprisen i Vestfold i 2007.

- Gjennom kurset «Innvandrarkvinner kan» bidreg ho til symjeopplæring, arabiskundervisning og motiverer innvandrarkvinner til å bli meir aktive i det norske samfunnet, heiter det mellom anna i grunngjevinga. (©NPK)