Moan fekk det ikkje heilt til å stemma under leikane i Vancouver. I tillegg blei han stoppa av tilhøva til tider. Langrennsforma såg ut til å vera god. I lagkonkurransen hadde han også eit godt hopp.
Fredag gjekk han ut halvminuttet bak leiaren Wilhelm Denifl. Austerrikaren hoppa 124,5 meter og leidde klart etter hoppinga. I sporet var likevel Moan best.
Nordmannen kom inn på oppløpet saman med finnen Hannu Manninen. Moan parkerte finnen i spurten og kunne kryssa mållinja jublande. Det var den tredje verdscupsigeren hans i sesongen.
Moan var nummer 14 etter hoppinga. Svevet hans var på 111 meter i relativt krevjande forhold. (©NPK)
