Det er EDB Business Partner som lèt dotterselskap i Ukraina drifte systema til norske bankar. Datatilsynet er skeptisk til måten dette vert gjort på og har bedt om at det blir utarbeidd klare databehandlingsavtaler.
- For Ukraina har vi ikkje tilstrekkelege opplysningar om at personopplysningar behandlast slik norsk regelverk føreset, forklarer avdelingsdirektør Leif T. Aanensen i Datatilsynet til Dagens Næringsliv.
EDB Business Partner ser derimot ingen grunn til å lage ein særskilt databehandlaravtale. Avtaleverket dekkjer krava i lovverket til databehandling, opplyser konserndirektør Tom Scharning.
Datatilsynet er ikkje åleine i si bekymring. Også Finanstilsynet uttrykkjer skepsis. I likskap med Datatilsynet har Finanstilsynet oppretta tilsynssak mot EDB Business Partner. (©NPK)
