Den eine kvinna oppga religiøse og den andre medisinske grunnar for ikkje å ville la seg skanne, og dei vart dermed nekta å gå om bord i flyet til Pakistan International Airlines til Islamabad.
Episoden skjedde for to veker sidan på flyplassen i Manchester. Dei to valde å bli heime framfor å gå gjennom kroppsskannaren.
Ifølgje ei talskvinne for flyplassen har 15.000 tilfeldig valde passasjerar gått gjennom skannarane sidan dei vart installerte for ein månad sidan.
Dei kontroversielle røntgenapparata gjer det mogleg å sjå etter skjulte våpen og eksplosiv ved at dei viser klare silhuettar av kroppen til passasjerane. (©NPK)
