Regjeringa vurderer no om ein opprusting av eksisterande kraftlinjer kan gi tilstrekkeleg forsyningstryggleik.
- Dersom dette kan gi ein trygg nok straumforsyning til Bergen, vil det vere beste alternativet. Då slepp me nye inngrep i naturen, seier olje- og energiministeren til Bergens Tidende.
Det er venta ar regjeringa i vår vil avgjere spørsmålet om å byggje ei ny kraftlinje gjennom Hardanger. Statnett har stått hardt på for å få klarsignal til bygging.
I Hardanger og Hordaland og blant naturvernarar er den lokale motstanden mot ei kraftlinje i luftspenn er stor. Argumentet er at « monstermaster» vil øydeleggje eitt av dei mest naturskjønne områda i landet.
Lokalbefolkninga ønskjer ei eventuell kraftlinje lagt i kabel, noko som vil koste monaleg meir. Ifølgje Bergens Tidende verkar kabelalternativet ikkje lenger å vere særleg realistisk. (©NPK)
