Voldingen Torgeir Tønnesen har ikkje gløymt gamle kunstar. I helga gjorde han comeback i vektløfting, og tok like godt sølv i si klasse i NM. No ønskjer han dessutan å høyre om voldingar som kan vere interesserte i å danne klubb innan sporten.

 Etter nitten års pause er den utflytte voldingen Torgeir Tønnesen igjen aktiv i sporten. Han trenar i ein av Noregs beste klubbar, Bjørgvin vektløfterklubb i Bergen, der han mellom anna trenar saman med sterke karar som kongepokalvinnar i NM, Per Hordnes.

NM gjekk av stabelen i Stavanger sist helg. Der starta Tønnesen som veteran i klassen 105 kg.
Under NM greidde Tønnesen 95 kg i rykk og 122 kg i støt. Til saman 220 kg, noko som plasserte han berre tre kg under gullvinnar Geir Hestmann frå Oslo.

Etter denne sterke innsatsen ønskjer Tønnesen å igjen satse litt på sporten.

- Eg håper å kunne satse litt fram mot senior-NM om eitt år, seier han.

Les meir i Møre.