Utan
at dei veit om det sjølv, så vart det reine julekvelden for paddene i
Austefjorden fredag. Løyvingane som vart gitt av Sparebank1 Søre
Sunnmøre under Kvivsvegkonferansen, kan vere det som får paddeballen til
å rulle.
Banksjef John Arne Winsnes i Sparebank1 Søre Sunnmøre, fortalde
at dei 12.500 paddene ved Litlevatnet vil stå for 25.000 passeringar av
Kvivsvegen i løpet av ein sesong. Om han tok med ungpaddene vil det
vere snakk om heilt andre tal. – Estimat tilseier eit trafikktal for
desse på mellom 100.000 og 2 million, opplyste Winsnes.
Identitet
-
Eg vil framheve at naturfenomenet er med på å skape ein identitet både
for Kvivsvegen og for lokalmiljøet i Austefjorden. Det å vere tilhengar
av denne vesle, mjuke skapningen er ikkje så farleg, og kanskje vert vi
menn litt mjukare om vi tek med oss borna og forklarer kva som går føre
seg ved Litlevatnet, sa Winsnes.
PaddeAPP
Når ein banksjef snakkar så oppglødd over ei sak, så betyr det gjerne noko meir.
-
Vi vil sponse utviklinga av ein padde APP. Denne er tenkt skal
innehalde informasjon om naturfenomenet og visualisere dette. I og med
at paddesesongen er ein kort periode om våren, så er målet med ein slik
APP å spreie kunnskap med hjelp av dagens teknologi, og gjere det
interessant å stoppe ved anlegget også utanfor paddesesongen, kunngjorde
Winsnes og la til at APPen kunne brukast på eit lesebrett som iPadden.
Paddeskilt
Sparebank1 vil også gi pengar til eit informasjonsskilt ved Litlevatnet.
-
Skiltet skal mellom anna rettleie for ferdsel i området. For det er
slik at mange skodelystne tek turen ned til vasskanten for å sjå på
paddene, og dei vil då sjølvsagt utgjere ein fare for å trakke særleg på
ungpaddene.
Paddefilm
- Vi har også gått inn og
sponsa Blåst Film sitt prosjekt, som er ein naturdokumentar om paddene
ved Litlevatnet. Filmprosjektet er no fullfinansiert og er tenkt vist på
NRK vinteren 2012/14. Denne dokumentaren er eit viktig bidrag til å
setje prosjektet på kartet og spreie kunnskap om denne attaksjonen vi
har i Kvivsvegen. Are Pilsskog er nominert til årets Amandapris for
dokumentaren Havets sølv.
Paddeskulptur
Banken har også engasjert lokalkunstnar Robert Steines til å lage padda i litt større format.
-
Han har tenkt å utføre denne i betong. Dette fordi betongskulptur ikkje
er så vanleg og det passar gost inn i landskapet, som består av
betongelement frå før. Han har tenkt å bruke stein som ein del av
strukturen på padda, og han kan godt tenkje seg å finne stein lokalt der
inne, fortalde Winsnes som måtte kome med ei erkjenning: . Eg har
sjølov blitt paddeentusiast.
Paddeballen har starta å rulle
-
Dette var fantastisk og hyggeleg, sa Gunnar Wangen etter gåvedrysset
frå Sparebank1. – Å bli tatt på alvor av banken med at dei gir denne
gåva, er ei anerkjenning. Det er ei tydeliggjering av potensialet som
ligg i paddene.
