Transformatoren på lasteplanet gjekk hol på då bilen måtte bråbremse. Ulukka skjedde på Mork, på vegen opp mot Morkaåsen. (Foto: Sven Giske)


Då ein transformator skulle fraktast med lastebil, måtte bilen bråbemse og transformatoren vart støtt mot framgavlen på lasteplanet. Dermed gjekk det hol på transformatoren og eit ukjent tal liter med olje rann ut.

Det var måndag rett før kl. 12 at ulukka skjedde. Ein lastebil frå Tussa hadde ein transformator på lasteplanet, og då lastebilen måtte bråbremse, på Mork, vart det slått hol i transformatoren. Dermed lak det olje frå han.
Brannvesenet rykte ut og starta med oppsamling av oljen på bakken og oljen som rann frå transformatoren. Då det dreia seg om ganske mange liter olje måtte brannvesenet ha assistanse frå VØR, som kom med ein stor tank.