Måndag føremiddag rykte naudetatane ut etter melding om brann/røykutvikling i ein sponsilo ved Rufo i Hovdebygda.

Sponsiloen er plassert på utsida av bygget, og brannvesenet fekk sløkt brannen etter kort tid. Det vart ikkje observert opne flammar.
- Det var ikkje fare for spreiing til andre bygningsdelar. Vi fekk raskt kontroll over brannen, så det gjekk greit, fortel brannsjef i Ørsta, Einar Ytre-Hauge. Brannvesenet stilte mannsterke opp under utrykkinga, med fleire bilar og tre røykdykkarar. Ingen personar kom til skade.