Fredag ettermiddag om lag kl 1630, hendte det eit trafikkuhell på Ose i Ørsta. Ein MC-førar i retning Volda trefte ein bil som var på veg inn til Rema 1000 på Ose.

Det vart ingen alvorlege personskadar, men MC-føraren vart likevel køyrd til Volda sjukehus for ein sjekk. Ifølgje betjent Grete Hjelle på staden, kan det sjå ut til at bilføraren nok ikkje var heilt merksam då han svinga inn til Rema 1000. MC-føraren såg bilen og klarte å bremse, men velta og slo hovudet i panseret på bilen. Det er ikkje mistanke om promille. Politibetjenten omtala begge førarane som ”godt vaksne”.