Bandet Aerophobia imponerte  stort under helga si kulturmønstring UKM. Vokalist Kjetil Hallaråker fortel at dei fire gutane bruke mykje av tida si på å dyrke musikkinteressa.

– Eg  har instrument i heile huset og driv med fire band ved sidan av, også dei andre i bandet er veldig opptekne i musikkprosjekt, seier han.
Hallaråker fortel også at dei ynskje å nå så langt som mogleg med musikken.
– Som mange andre er vi i Aerophobia med i UKM for å vinne, og for å kunne vise fram musikken vår. Målet vårt er å kunne gi ut plate og gi folk sjanse til å høyre på musikken vår som vi har tru på, samtidig som vi ynskjer å ein dag kunne leve av det vi driv med og kunne fokusere på å utvikle oss som musikarar, seier han.
Hallaråker meiner UKM er ein bra arena for unge.
– Ein får sjansen til å stikke seg fram og bli kjent med folk samtidig som vi får gjere det vi liker å gjere best, nemleg å stå på ei scene.

Les meir frå UKM i Møre tysdag 6. mars.