Kvart år arrangerer musikklinja ved Volda vidaregåande skule ein musikal i samarbeid med medium og kommunikasjon. I år slår dei til med temaet Fame!

Manus er inspirert av filmen «Fame» frå 1980, og er skrive av Jan Terje Eidset. Med seg på laget har han regissør Bente Elin Johnsen.

Musikalen må likevel ikkje forvekslast med filmen og tv-serien, då  handlinga er flytta frå talentskulen i New York  til ein  talentkonkurranse og eit realityshow på TV.
– Vi kan ikkje røpe så mykje meir enno, men de kan vente dykk noko heilt nytt og spanande, seier manusforfattar Jan T. Eidset.