Ein ivrig dugnadsgjeng etter velgjort arbeid på Volda Stadion. Frå venstre: Birger Breivik, Rolf Liaskar, Johan Høydal, Ragnar Aarflot, Leif Tore Telseth og Stig Mork. Bakerst: Lennart Haugen og Harald Bergmann. 

Volda Stadion har no vorte oppgradert med tribunetak og tribunestolar. Og stolane dei har tidlegare har gjort teneste på tippeliga-arenaen i Sandefjord. 

"Nye" Volda Stadion blir offisielt opna med gratisarrangement heile helga. Fredag 3. september blir det  3. divisjonskamp mot Godøy, laurdag blir det merkeprøve for 7-12 åringar, det blir ein prestisjetung old-boys kamp Volda-Ørsta og to seniorkampar for kvinner i 2. divisjon. 

Dei litt vaksne vil kanskje spesielt sette pris på ein sjeldan old-boys kamp Volda - Ørsta. Mange tidlegare storspelarar har vorte observert i fotballutstyr i det siste, noko som kan tyde på at oppkøyringa til kampen har starta.