Jonas Kvalen (18) frå Volda og Lars Fredrik Tvinde (18) frå Førde er det einaste norske laget i hovudrunden i sandvolleyball VM U19 i Porto i Portugal.

I går fekk det norske laget ein god start i VM U19 då dei slo Sveits 2-0 (21-13, 23-21) etter imponerande innsats og solid spel i mottak og angrep. Dette lovar godt for dei to neste kampane i puljespelet, der dei laurdag møter tøff motstand frå stornasjonane Polen og Tyskland.

Ingen av dei andre tre norske laga kvalifiserte seg til spel i hovudrunden. Begge jentelaga vann og tapte kvar sin kamp, og Norge 2 sitt gutelag tapte mot Latvia.