Ved Høgskulen er avdeling for kulturfag og avdeling for mediefag om lag fulle, men det er for få søkjarar til utdanningar som lærar, sosionom og barnevernspedagog.

- Talet på ledige studieplassar i Volda er om lag det same som før, men utviklinga er negativ for studieløpa grunnskulelærarutdanning, sosionom og barnevernspedagog, fortel høgskuledirektør Jacob Kjøde jr.

På same tid er utviklinga positiv for avdeling for kulturfag, der nær sagt alle plassane vert fylt opp. Avdeling for mediefag er òg framleis svært populær.

- Her får vi fylt opp alle plassane. Særs gledeleg er det at søkjartala har vore så gode for studiet Media, IKT og design som berre har vorte meir populært med åra, kan Kjøde fortelje. Høgskulen har no stor pågang frå folk som vil sikre seg studieplassar.

Uroa for låge søkjartal

Høgskuledirektøren ser med uro på utviklinga ein ser i søkjartala på lærarutdanninga.

– Nytt av året er at det er to studieløp for lærarstudentar, eit som kvalifiserar for undervisning i frå 1- 7. klasse, og eit for 5.- 10. klasse. Det er særleg få søkjarar til det siste løpet, noko som er ein trend i heile landet. Dette er eg uroa for, slår han fast, men legg til at kvaliteten er god på dei studentane som har får plass på lærarutdanninga i Volda.

Det trengs også fleire søkjarar til sosionom- og barnevernspedagog.

- Eg ynskjer at fleire ville velje desse naudsynte utdanningane, og håper fleire kjem til no når desse ligg på restetorget, avsluttar Kjøde.

Her er dei ledige bachelorgradene og årsstudia i Volda:

Bachelor i historie, kultur og samfunn

Bachelor i planlegging og administrasjon

Bachelor i sosialt arbeid - Barnevernspedagog

Bachelor i sosialt arbeid - Sosionom

Bachelor, Førskulelærarutdanning

Bachelor i språk og litteratur

Digital kompetanse

Engelsk årsstudium

Historie årsstudium

Historie årsstudium - deltid

Grunnskulelærarutdanning 1 - 7

Grunnskulelærarutdanning 5 - 10

Matematikk i grunnskulen, årsstudium

Naturfag i grunnskulen, årsstudium

Norsk (nordisk) årsstudium

Norsk (nordisk) årsstudium - deltid

Religion, livssyn og etikk (RLE) årsstudium

Samfunnsvitskap årsstudium

Skuleretta samfunnsfag årsstudium

I tillegg er det ledige plassar på 19 nettstudium, 24 halvårstudium, 11 fordjupningsstudium og 14 master- og vidareutdanningar ved Høgskulen i Volda.