I fjor var det over 400 startande under jentebølgen i Ørsta, i år satsar dei på endå fleire. Frå venstre: Marita Borgen, Ann-Mari Myklebust, Jeanette Bjerkvik, Line Borgen og Bryndis Aarsæther Storli.
Fredag kveld er det tid for mosjon og gøy i Ørsta sentrum. – Vi gjentek suksessen frå i fjor då over 400 stilte til start, seier Marita Borgen.
Det 5 km lange mosjonsløpet for
kvinner i alle aldrar køyrer felles oppvarming. I tillegg vert det
musikk og
show med Yertle The Turtle som består av Anders Boska, Bendik Follestad
og
Sindre Aarflot Eikrem, Hip Hop av Emilie Bjerke og Christina Førde og
Smacktards frå Volda. I tillegg kjem Liv Grete Skjeldbreid Poirèe.
Mange vil vere med
Marita Borgen i Ørsta IL opplyser at
dei har fått melding frå mange om at dei vil vere med. – Den eldste er
nesten 80
år og den yngste langt under skulealder. Og så er det lov å ta med
barnevogn, så
du kan seie at dette er eit løp for alle aldrar. Det vert ikkje
konkurrert i
tid, det viktige er å delta og ha det kjekt. Det vert lokka med fine
premiar,
fortel ho.
Løpet vert arrangert i samarbeid med
Bislettalliansen.
Endringar i løypa
- Det er små endringar i løypa på grunn
av at ”Morkagjølet” er stengt, men vi har funne eit godt alternativ til
dette,
og den nye løypa er merka. Det vert start og innkomst i Vikegata, fortel
Borgen.
