I år vart Volda skulekorps og Volda Hornmusikk samla til eit korps for å ha nok musikantar. No ønskjer Volda skulekorps at delar av dirigentstillinga vert lønna kommunalt.
- Mange la sikkert merke til at Volda skulekorps gjekk saman med Volda hornmusikk i barnetoget og folketoget på 17. mai. Dessverre vart det mindre musikk, men dette var det beste vi kunne få til i år. Volda skulekorps er ein flott gjeng med barn og ungdom, som har mykje trivelig i lag. Men vi skal ikkje stikke under ein stol at korpset slit med rekruttering og med å sikre nødvendig kontinuitet i drifta. I tillegg har vår dirigent gjennom mange år, Ulf Kristiansen, sagt takk for seg etter lang, god og tru innsats, seier Hans Jacob Orning i styret til Volda skulekorps.
Arbeidsgjevaransvar og sosiale utgifter
No ønskjer korpset at dei skal få dirigentlønna
betalt gjennom Volda kommune.
- Forslaget er at kommunen har
arbeidsgjevaransvaret for dirigenten og dekker
sosiale utgifter, men at korpset betalar inn lønna til kommunen.
Kommunen sitt
bidrag vil i så fall vere til rundt 20.000 kroner per år. Dette er
kanskje ikkje ein stor sum, men i eit trangt kommunebudsjett kan det
vere vanskelig
nok å finne penger til eit slikt formål, er Orning redd.
