Gjengen bak Trandalblues: Fv. Kyrre Grimstad, Kjell-Rune Klubbenes, Knut Brekke, Arne Moe og Terje Myklebust.
Tidlegare i vinter døydde eigaren av Christian Gaard, Frank Storeide. Familien hans satsar likevel vidare på Trandal, og i sommar er det duka for nok ei bratt og blå blueshelg.
- Trandalblues Bratt og Blått er
svært stolte og audmjuke over å kunne invitere eit svært eksklusivt knippe med
bluesartistar til Sunnmøre. I år trur vi at Trandalbygda verkeleg vert sett på
Noregskartet gjennom to hektiske og opplevingsrike dagar, seier Kjell-Rune
Klubbenes. Han er ein av initiativtakarane til festivalen.
Store namn
Fredag 2. juli gjestar Reidar
Larsen, Sunnmøre R&B Express, Bolga Bluesband og Crank Bros.
bluesfestivalen på Trandal. Den veglause bygda i Hjørundfjorden har berre fem
fastbuande innbyggjarar att, men Christian Gaard trekkjer likevel fulle hus med
særprega aktivitetar. Laurdag 3. juli kjem Seatsniffers heile vegen frå Belgia
for å underhalde. Dette er eit av Europa sine mest populære roots rock band.
Dei delar kvelden med Woodleg Odd, Old School Blues Revue og Bolga Bluesband/Isfjorden Blues
Compagni. Denne ettermiddagen vert det
dessutan ettermiddagskonsert med Ung Blues, som består av ulike band frå Blues
camp 2010.
