Alltid kjekt med gode vener
over på besøk til kake-kos. F.v. Linda Vartdal, Isaac Vartdal og Stine Marie
Gulla.
Mange har hobbyar. Nokre likar å lage kort, samle på frimerke, spele instrument og mykje anna. Ein hobby er noko ein kosar seg med og koplar ut frå den masete kvardagen og får gjere det ein verkeleg likar. Stine har ein slik hobby, men kanskje ikkje ein så vanleg hobby.
- Det starta for nokre år sidan då eg skulle lage ei kake til dottera mi Matilde (3), vart eit år. For å først ha prøvd det laga eg ei kake til nabojenta, for ho hadde bursdag rett før. Eg vart veldig nøgd med resultatet og bestemte meg for å lage ei til Matilde sin bursdag også, fortel kvinna som verkeleg har fått dreisen på hobbyen sin.
Tek tid
- Det tek tid å lage ei kake sidan eg
laga den frå botnen av, men eg har ein tolmodig sambuar som ikkje bryr seg om
det er litt rotete på kjøkkenet nokre dagar, smiler ho. – Eg startar alltid med
foundanten som eg ofte lagar av marsmallows, vidare steiker eg kaka. I tilfelle
denne ikkje vert bra har eg tid å lage ei ny. Vidare lagar eg pynten som skal
på, for den må stivne, så den held seg. Pynten formar eg med utstyr eg har,
eller så brukar eg q-tips, tannpirkarar og andre hjelpemiddel ein kan finne i
heimen til å få rett form og bøy på, forklarar ho.
Les stor artikkel i Møre torsdag 6. mai og få oppskrift på 17. mai kaka
