Onsdag
28. mars delte marknadssjef i Tussa, Lise Ulstein, ut talentprisen til Jonas Kvalen.
17 år gamle Jonas Kvalen har sett seg som mål å bli ein av dei beste volleyballspelarane i Europa. Med fast plass på landslaget og deltaking i EM og VM er han på god veg til å nå målet sitt. Onsdag mottok Jonas Tussa sin talentpris på 10.000 kroner.
Talentprisen går til unge personar med talent og ambisjonar for å utvikle talentet sitt vidare. Voldaguten Jonas Kvalen er trass sin unge alder i dag blant dei beste spelarane i landet, både i innandørs volleyball og sandvolleyball. I ein alder av 17 år har han fem NM-titlar, og i 2009 prøvde han seg både i EM og VM i sandvolleyball.
