Vegen rundt Austefjorden er opna att etter at to semitrailerar sperra vegen i fleire timar torsdag. To utanlandske vogntog køyrde seg fast i snøen. Ingen av dei hadde kjettingar på.

Som Møre kunne avdekke for ei stund sidan køyrer utanlandske vogntog rundt Voldsfjorden for å spare ferjepengar. I vinter har dette ført til nokre utforkøyringar i Austefjordområdet.

Torsdag føremiddag køyrde ein rumensk semitrailer utfor vegen. Tyskeren som kom ei stund etterpå kom seg ikkje forbi og måtte rygge. I svingen ved Juvika hamna den utfor.
Ein bergingsbil frå Eid vart tilkalla for å få dei to vogntoga på vegen att. Etter over fire timar med stengd veg, kunne politiet opne for trafikk att like over klokka 15.00.