Natt til laurdag kl. 01.45 kom det inn melding til politiet sin operasjonsentral i Ålesund om eit masseslagsmål i ei Ørsta-gate. Personen som ringde inn fortalde at det var ulike nasjonalitetar innblanda, men overvekt av norske.

Kamphanane fordelte seg så utover eit større område og det var slåstkampar i fleire gater. Her skal det ha blitt brukt belter tvinna rundt handa som slagvåpen, og det skal ha blitt slått med ein sperrebukk.

- Då politiet kom fram, hadde truleg fleire som var med i slåstinga stukke av, fortel John Kåre Flo til Mre.no.

Knuste dør
I 4-tida fekk politiet melding om at ei inngangsdør hadde blitt knust i eit hus og det var bråk. Politiet var raskt på staden og fekk ordne opp før det utvikla seg vidare.

- Kva som har skjedd og kven som er innblanda er alt for tidlig å seie noko om, seier Flo. - Vi ventar at fleire forhold vil bli melde, både med bakgrunn i slåstinga og i skadeverket, i tillegg vil politiet anlegge sak.

Flo fortel at vaktpatruljene på indre og ytre, som var ute natt til laurdag, var styrke nok til å hamle opp i slåstinga.