Det er venta mange gjestar til dei ulike utestadane i Volda og Ørsta 2. juledag. Til saman er det lagt ut 1.300 billettar (illustrasjonsfoto frå Rokken)
2. juledag er utedagen over nokon i romjula. Då møtes fråflytta, tilflytta og lokale voldingar og ørstingar på utvalde utestadar, viss dei har klart å skaffe seg billett. Sjeldan er etterspurnaden så stor som til nettopp denne dagen.
- Folk ønskjer å møte vener og kjende, og mange har kome heim på juleferie. Dette arrangementet er like populært kvart år, seier hotellsjef for Hotell Ivar Aasen i Ørsta, Bjørg Eikrem.
Rokken
Studenthuset Rokken i Volda merkar lite til at mange av
studentane reiser heim og vekk frå Volda i jula.
Ved dei andre utestadane i Volda og Ørsta får Møre melding om at dei ventar stort innrykk av festglade i romjula.
Fortvil ikkje
Dei som er for seint ute med å skaffe seg billettar til 2. juledag kan framleis oppleve god stemning på utestadane andre dagar i romjula.
Hotell Ivar Aasen i Ørsta inviterer til romjulsdans med Woodleg Odd 4. juledag.
Studenthuset Rokken har tradisjon tru BokkeReidars BluesBand på spelelista 3. juledag.
På Rust club & scene er det arrangement kvar dag, også på nyårsaftan.
Sjå stor reportasje om utelivet i romjula i Møre tysdag 22. desember.
